Við bjóðum upp á fjölbreytt úrval af nýjum og notuðum búnaði fyrir alla aldurshópa. Má þar nefna vetraríþróttabúnað, hjólabúnað, Exoquad-rafmagnshjól o.fl.
Frístundasafnið er rekið í samstarfi við Sjálfsbjörgu landssamband hreyfihamlaðra, sem hefur það að markmiði að vinna að fullkominni þátttöku og jafnrétti hreyfihamlaðs fólks á Íslandi. Frístundasafninu er ætlað að stuðla að auknu jafnrétti og skapa þeim sem búa við skerta hreyfigetu tækifæri til þess að leggja stund á útivist og hreyfingu til jafns við aðra, auk þess að opna á fleiri tækifæri fyrir þennan hóp til þess að prófa og kynna sér nýjar frístundir. Starfsemi Frístundasafnsins er óhagnaðardrifin og er allur ágóði af rekstrinum nýttur til þess að fjármagna nýjan búnað og viðhalda eldri.
Þú bókar tækið á netinu
Dag-, helgar- eða vikuleiga
Þú velur afhendingarstað á tækinu við bókun
Starfseminni er einnig ætlað að stuðla að virkri þátttöku í deilihagkerfinu með því að deila og endurnýta notaðan búnað. Við tökum þakklát við notuðum búnaði í góðu ásigkomulagi. Farið er yfir notaðan búnað og lagfæringar gerðar þannig að ástand þess sé gott til útleigu.
