Persónuverndarstefna Frístundasafnsins

Frístundasafnið er ábyrgðaraðili vinnslu þeirra persónuupplýsinga sem safnað er í tengslum við bókanir og notkun þjónustunnar.

1. grein
Öflun og vinnsla persónuupplýsinga

Þegar einstaklingur á viðskipti við Frístundasafnið safnar safnið og heldur utan um upplýsingar sem tengjast viðskiptasögu hans.
Vinnsla persónuupplýsinga fer fram í samræmi við lög nr. 90/2018 um persónuvernd og vinnslu persónuupplýsinga.

2. grein
Hvaða upplýsingar eru skráðar

Frístundasafnið getur safnað eftirfarandi upplýsingum um viðskiptavini:
• nafn
• kennitala
• heimilisfang
• símanúmer
• netfang
Einnig geta verið skráðar upplýsingar um samskipti við viðskiptavin í gegnum tölvupóst eða síma.
Greiðsluupplýsingar eru unnar og geymdar hjá greiðsluþjónustuveitunni Teya.

3. grein
Tilgangur vinnslu

Persónuupplýsingar eru unnar í þeim tilgangi að:
• veita viðskiptavinum þjónustu
• halda utan um bókanir og greiðslur
• efna samningsskyldur gagnvart viðskiptavinum

4. grein
Miðlun upplýsinga

Frístundasafnið getur miðlað upplýsingum til þjónustuaðila sem sinna tæknilegri þjónustu við kerfi safnsins eða sjá um innheimtu krafna ef þess gerist þörf.
Slík miðlun fer eingöngu fram í samræmi við gildandi lög og samninga um trúnað og öryggi.
Persónuupplýsingar kunna einnig að vera unnar í gegnum bókunarkerfi og vefþjónustu sem notuð er við rekstur vefs Frístundasafnsins.

5. grein
Geymslutími upplýsinga

Fjárhagsleg gögn sem tengjast viðskiptum eru geymd í að minnsta kosti sjö ár, í samræmi við bókhaldslög.
Aðrar persónuupplýsingar eru geymdar þann tíma sem nauðsynlegur er til að efna samning eða uppfylla lagalegar skyldur.

6. grein
Réttindi einstaklinga

Samkvæmt persónuverndarlögum eiga einstaklingar rétt á að fá upplýsingar um hvaða persónuupplýsingar
Frístundasafnið hefur skráð um þá og hvernig þær eru unnar.

Einstaklingar eiga rétt á að:
• fá upplýsingar um hvaða persónuupplýsingar eru skráðar um þá
• fá rangar eða ófullnægjandi upplýsingar leiðréttar
• óska eftir eyðingu persónuupplýsinga þar sem það á við samkvæmt lögum
• óska eftir afriti af þeim persónuupplýsingum sem Frístundasafnið hefur
skráð um þá
• leggja fram kvörtun til Persónuverndar telji þeir að vinnsla persónuupplýsinga samræmist ekki gildandi lögum
Óskir um aðgang að upplýsingum eða leiðréttingar má senda til Frístundasafnsins í gegnum netfangið sem tilgreint er í þessari persónuverndarstefnu.

7. grein
Samskipti

Frekari upplýsingar um vinnslu persónuupplýsinga má fá með því að hafa samband við Frístundasafnið í gegnum netfangið: info@fristundasafn.is