Leiguskilmálar Frístundasafnsins

Með því að bóka og greiða fyrir búnað á heimasíðu Frístundasafnsins staðfestir leigutaki að hann hafi kynnt sér og samþykki leiguskilmála þessa.

1. Grein
Bókun og greiðsla

Leigutaki velur búnað á heimasíðu Frístundasafnsins og skoðar lýsingu á viðkomandi tæki áður en bókun er staðfest. Í lýsingu kemur fram fyrir hvaða aldur, þyngd og hæð búnaðurinn er ætlaður.
Við bókun þarf leigutaki að skrá helstu persónuupplýsingar, þar á meðal:
• nafn
• kennitölu
• símanúmer
• netfang
Þegar bókun hefur verið staðfest fær leigutaki staðfestingarpóst á uppgefið netfang.
Greiðslur fara fram í gegnum greiðslumiðlun Teya.

2. grein
Leigutími

Leigutími getur verið frá einum upp í sjö daga í senn.
Hægt er að framlengja leigutímann í allt að 14 daga í gegnum aðgang leigutaka á „mínum síðum“ á heimasíðu Frístundasafnsins.
Leiguverð er breytilegt eftir því hvaða búnaður er valinn. Ef leigutími er framlengdur gildir sama verð fyrir hvern aukadag.

3. grein
Afhending og skil búnaðar

Leigutaki skuldbindur sig til að skila búnaði á réttum tíma og á þann stað sem hann var sóttur.
Leigutaki skal skila búnaði hreinum og í sama ástandi og hann var afhentur, að teknu tilliti til eðlilegs slits.
Leigutaki er hvattur til að kynna sér búnaðinn vel við móttöku og tilkynna án tafar ef gallar koma í ljós.

4. grein
Notkun búnaðar

Leigutaki ber ábyrgð á að búnaður sé notaður á réttan hátt og í samræmi við leiðbeiningar Frístundasafnsins.
Búnaður má ekki vera notaður:
• af einstaklingum sem fara yfir uppgefin þyngdar- eða stærðarmörk
• á annan hátt en ætlað er samkvæmt notkunarleiðbeiningum

5. grein
Ábyrgð leigutaka

Leigutaki notar búnaðinn á eigin ábyrgð.
Frístundasafnið ber ekki ábyrgð á tjóni sem leigutaki verður fyrir eða veldur við notkun búnaðarins, nema sannað sé að tjón megi rekja til vanrækslu Frístundasafnsins.
Leigutaki ber ábyrgð á skemmdum á búnaði sem rekja má til:
• gáleysis
• rangrar notkunar
• Þjófnaðar á meðan leigutíma stendur
• ófullnægjandi vörslu búnaðar
Leigutaki skal tryggja að búnaður sé geymdur með öruggum hætti og ekki útsettur fyrir þjófnaði.
Tjón sem rekja má til eðlilegs slits eða framleiðslugalla fellur ekki undir ábyrgð leigutaka.
Ef búnaður glatast, eyðileggst eða verður fyrir tjóni sem ekki er hægt að gera við ber leigutaka að bæta Frístundasafninu tjónið samkvæmt matsverði búnaðarins. Frístundasafnið áskilur sér rétt til að meta tjón og viðgerðarkostnað.